Comments on: State of the onion

By: Redesigning the Zwiwwel | Pianocktail

Redesigning the Zwiwwel | Pianocktail — Sun, 03 Jan 2010 18:35:14 +0000

[...] op, wat een kéint un der letzebuerger Blogosphär veränneren an wat de Leit net passt. De Joel an de Chris hunn do jo ganz inspiréierend Posts ugeluecht, déi de Problem [...]

By: Grouss Botz – 2010 | Pianocktail

Grouss Botz – 2010 | Pianocktail — Fri, 01 Jan 2010 18:49:07 +0000

[...] der Bloglandschaft am Allgemengen: de Joël huet et a sengem State of the Onion ugeschnidden, an och wann ech dee Moment opgrond vun engem bestëmmten Kommentar net gewëllt war [...]

By: Joël

Joël — Tue, 29 Dec 2009 20:15:59 +0000

Mir ass et jo weder em d’Nationalitéit, nach em d’Sprooch gaangen.
Ech schreiwen haaptsächlech op Daitsch, wëll ech scho gebloggt hunn, wéi et nach guer keng lëtzebuerger Blogosphäre an dem Senn gouf an awer schon vill mat daitsche Blogger vernetzt war. Ech fannen et “trotzdem” immens positiv, wa Leit op Lëtzebuergesch bloggen, ech schätzen awer och eng “lëtzebuerger” Vue (ob egal waat fir enger Sprooch, wann ech se dann verstin) a ville Blogs, einfach wëll een jo dach irgendwéi den selweschten “sozio-kulturellen Background” huet.

An Thierry a Chris, kënnt dir w.e.g. eng Kéier virurdeelsfrai e Patt zesummen huele goen? Dir sidd nämlech allen zwee ganz fein Jongen an gifft och bestëmmt matneen eenz ginn. Dir musst ierch jo net bestueden, mä e bessi am Hallewsoff zesummen laache. Merci.

By: Grommel

Grommel — Sun, 27 Dec 2009 14:46:47 +0000

Dem Max säin Comment géiff ech ënnerschräiwen.

Et trëfft de Punkt jo: wa mir net op Lëtzebuergesch schräiwen, ween dann?

By: Max

Max — Sun, 27 Dec 2009 11:05:57 +0000

Den Thierry denkt vläit nët an Nationalitéite mee d’Blogs awer, virun allem di Lëtzebuerger. Ech huele mer mol d’Fräiheet och an dem Chris séngem Numm ze schwetze wann ech soen dass et natierlëch méi einfach ass méi Public z’erreechen andeems mer alles op Englësch maachen. Well d’lëtzebuergësch Sprooch vill méi wéi aaner europäësch Sproochen op d’Grenze vum Land berout kann een einfach nët ouni di Grenzen denken, béides hänkt zesummen. Et ass ëmmer eng Fro vu Marché, maache mer eis näischt fir. An, ëch wees et lo nët méi genau mee d’Decisioun fir Pianocktail weiderhin op Lëtzebuergësch ze produzéieren ass schon diskutéiert ginn a brauch sëch nët ze rechtfertegen.

Ech kommen op de Punkt, Pianocktail ass lëtzebuergësch Kulturproduktioun, nët aus Lëtzebuerg (meeschtens nët) mee op lëtzebuergësch. Ech fir mäin Deel kann nët ofstreiden dass déi lëtzebuergësch Vue en Argument dofir ass ët ze liesen. Dat ass méng Kultur, ënnert aanerem. A wichtëg ass ët fir mëch dass mer méi op lëtzebuergësch schreiwen a maachen. Ech kann dat nämlech nët méi héiere wann een sëch iwwert e Mangel bekloot undeem ee selwer Schold ass. A wann der mir nët gleewt, da gidd an de Süden op e Läb-Concert.

By: Chris

Chris — Sat, 26 Dec 2009 19:52:47 +0000

@Thierry: Ech wëll iergendeppes dozou soen, mä mir falen net déi richteg Wierder an, well ech wierklech kee Sträit wëll. Mä ech fannen dat do relativ beleidegend.

By: Joël

Joël — Sat, 26 Dec 2009 08:45:18 +0000

Du reechs de awer gären driwer op, wéi schrecklech Lëtzebuerg dach ass ;-)
Fannen de Gedanken interessant, en hëlefft awer nët immens vill. An am Fong ass et jo och nët em d’Lieblingsblogs gaangen.
Act local think global funktionéiert och ouni Natiounen. .

By: Thierry

Thierry — Fri, 25 Dec 2009 22:28:52 +0000

Gottseidank sinn ech keen gudden Blog fir de Chris, well den Dag wou de Chris mäi Geschreiws appreciéiert halen ech op. :D Ech denken amfong séier wéineg driwwer no, wéivill lëtzebuergesch Bloggen ech liesen. Vläit, well ech einfach net a Nationalitéiten denken. Ech liesen, wat mir gefällt. Op dat elo franséisch, däitsch, englesch, italienesch, norwegesch oder lëtzebuergesch ass. An ech vernetzen mech och oft a schrecklech gären mat deenen Leit.