An dann hunn ech nach vergiess ze soen, dass ech och scho flott Concerten am A erlieft hunn, allerdéngs nëmmen wann net "ausverkaaft" war.

Ironesch fannen ech awer och wéi de Management vum A mat der Sécherheet vu senge Clienten ëmgeet. Ech fannen et eben net (méi) witzeg wann eng Hal einfach iwwerfëllt ass, nëmme well den Organisator säi Profit maximiséiere wëll.

Dass de Management vum A eppes drop huet, dat bezweiwelen ech iwweregens net, grad eben well si sech jo net just op hire Schapp beschränken, och wann d'Motivatioun vum Organisator fir entzwousch anescht spillen ze loossen (z.B. op engem Feld) wahrscheinlech mat der Zuschauerzahl wiisst ;->

Ech wollt mat menger Kritik um A am Fong just zum Ausdrock bréngen, dass ech mëttlerweil léiwer op ee Concert verzichten, wéi dass ech dowéinst eng Situatioun akzeptéiere géif déi menge Standards vu Sécherheet a Confort net entspriechen. Ech si jo sou fräi selwer ze entscheeden ob ech mer dat undoen oder net.

Natierlech sinn all di aner Leit genausou fräi, meng Standards a Fro ze stellen. Vun dohier kann den A mengetweegen sou vill Zuschauer eraloosse wéi e wëll, ech wënsche jidderengem vill Spaass dobäi an hoffen dass se herno glécklech an zefridden op dee Concert zréckblécke kënnen.

Zum Nick Cave an der Rockhal: ech hat dee Concert dommerweis verpasst, hunn duerno awer och Kritiken driwwer gelies an héieren. D'Rockhal ass nach jonk, an de Management och, déi kënne sech jo nach verbesseren. Beim A hunn ech awer meng Zweiwelen dass Verbesserungen erwënscht sinn, wann ech Joeren no mengem leschte Concert op där Plaz <a href="http://www.joeladami.net/in...">dëse (kommentéierten) Bericht</a> liesen.

Ech hun bei de Pumpkins esouguer richteg gudd Loft (an Wasser) kritt. Daat engt vum Ventilator op der Bühn, daat aanert vum Security virun eis.

Deng éischt Horrorvisioun hunn ech nämlech och scho gehat. Dat ass awer scho méi laang hier. Wéi ech mer d'A(telier)pokalyps (ech mengen et war op engem Concert vum Neneh Cherry) virgestallt hat, hätt ech bal e Gelübde ofgeluegt ni méi ee Fouss an dat Gebai ze setzen.

Et war awer grad sou gutt dass ech dat net gemaacht hat, ech hätt dat Gelübde nämlech misse briechen fir Kraftwerk live zu Lëtzebuerg ze erliewen. Dee Concert war zwar net sou schlecht, mä d'Konditiounen am Atelier haten sech bis dohin awer nach ëmmer net gebessert.

Ech fannen déi Wierkstätt einfach SCHAPPeg an dass nach ëmmer gutt Bands an Artisten dohinner Concerten ofHALe ginn wou mer dach mëttlerweil eng Rockhal hunn ass fir mech net ze verstoen.

Ateliers-Conditiounen fënnt een natierlech och op anere Plazen, sou erënnert mech den A z.B. un de Londoner Marquee. Mä London ass eben eng Weltstad an Hollerech just Suburb vun der Stad. ;P